Gofal Diwedd Oes

Mae gofal diwedd oes o ansawdd i’r rheini sy’n dioddef o ddiabetes yn cynnwys:

Trafodaethau cynnar gyda’r tîm diabetes i gynorthwyo gyda monitro a chynllunio gofal
Osgoi hypoglycemia- lefelau glwcos yn is na 6mmol/L, mae angen adolygu triniaeth felly cysylltwch â’r meddyg teulu
Yn ystod diwrnodau olaf bywyd, ni ddylai lefelau glwcos fod yn is na 8mmol/L. Efallai fod angen adolygu’r driniaeth – cysylltwch â meddyg teulu
Osgoi hyperglycemia symptomatig- lefelau glwcos yn uwch na 15mmol/L yn rheolaidd
Arsylwi am ddadhydradiad
Sicrhau parch ac urddas, trafod gyda’r unigolyn a gwrando arno

Ni ddylid rhoi’r gorau i roi inswlin i bobl sy’n dioddef o ddiabetes math 1 ond gellid eu newid i gynllun inswlin sylfaenol mwy syml – siaradwch â’r meddyg teulu, nyrs ardal neu dîm diabetes am gyngor
Gellir rhoi’r gorau i feddyginiaeth diabetes ym mhobl sy’n dioddef o ddiabetes math 2 – dan yr amgylchiadau hyn, y nod yw sicrhau rheolaeth o symptomau – siaradwch â’r meddyg teulu, nyrs ardal neu dîm diabetes am gyngor
Gwnewch gyn lleied o brofion glwcos gwaed â phosibl. Mae’n bosibl bod angen peth brofion i leihau risg lefelau glwcos isel neu uchel
Os ydych yn pryderu y gallai symptom fod yn gysylltiedig â diabetes, gwiriwch y lefel glwcos a rhowch wybod i’r nyrs gofrestredig, meddyg teulu, nyrs ardal neu dîm arbenigol diabetes os ydyw y tu allan i’r ystod glwcos dargedig
Gall profi wrin (os ydyw ar gael) am glwcos helpu os ydych yn amau bod symptomau yn gysylltiedig â diabetes
Os yw inswlin rhywun sydd â diabetes math 2 yn cael ei atal, arsylwch yr unigolyn dan sylw yn agos am symptomau yn datblygu. Siaradwch â’r meddyg teulu a’r tîm diabetes
Os oes rhaid gwneud profion pigo bys yn aml, gall y nyrs arbenigol diabetes gynnig monitro glwcos fflach

Gwnewch cyn lleied o ymyraethau a monitro â phosibl. Cadwch yr unigolyn yn ddiogel heb gyfaddawdu diogelwch