Yn yr adran hon, ceir gwybodaeth ar gyfer gofalwyr cyflogedig sy’n gwneud profion glwcos a/neu brofion cetonau gwaed yn unol â’u canllawiau neu bolisi sylfaenol.1Y Sefydliad Cenedlaethol dros Ragoriaeth mewn Iechyd a Gofal (2020) Managing blood glucose in adults with type 2 diabetes. Chapter 4 NICE Pathways. Llundain: Y Sefydliad Cenedlaethol dros Ragoriaeth mewn Iechyd a Gofal Argymhellir monitro glwcos yn rheolaidd dan yr amgylchiadau canlynol (NICE 2020).
Beth yw POCT?
Diffinnir Profion Pwynt Gofal fel unrhyw brawf patholeg a wneir gan arbenigwr gofal iechyd y tu allan i leoliad patholeg confensiynol sy’n agos at y claf.
Mae termau cyffredin eraill a ddefnyddir i ddisgrifio POCT yn cynnwys:
- Gofal profion agos
- Profi ymyl gwely
- Profi ychwanegol yn y labordy
- Profi gyda’r Claf
Mathau o POCT
- Profion Glwcos Gwaed
- Profion Cetonau Gwaed
- Profion wrin
Pam ein bod ni angen POCT?
Gall POCT sy’n cael ei ddefnyddio’n iawn ac yn briodol gael manteision sylweddol, gan roi canlyniad yn agos at y claf a chaniatáu penderfyniadau clinigol cyflym. Serch hynny, os caiff ei ddefnyddio’n amhriodol, gellir cael canlyniadau anghywir a gall arwain at niwed os weithredir arnynt.
Cyn defnyddio unrhyw gyfarpar POCT, mae angen i’r defnyddiwr fod wedi cael hyfforddiant gan hyfforddwr/cydlynydd cymeradwy.
Beth yw Sicrhau Ansawdd?
Mae Sicrhau Ansawdd yn system sy’n monitro cywirdeb y canlyniadau a geir drwy wirio’r mesurydd, y stripiau a thechneg y defnyddiwr. Mae rheolaeth ansawdd fewnol a sicrwydd ansawdd allanol. Efallai na fydd sicrwydd ansawdd allanol ar gael yn eich ardal.
Rheolyddion Ansawdd Mewnol
Profion dyddiol neu wythnosol yw’r rhain yn dibynnu ar ddefnydd y mesurydd, a thoddiadau rheoli ydynt sydd ag ystod hysbys o werthoedd. Caiff y toddiadau eu rhoi ar y stribyn a chaiff cywirdeb y canlyniadau eu gwirio. Cofnodir y canlyniadau ynghyd â’r dyddiad, yr amser a rhif y stribyn a manylion y defnyddiwr. Dylid cael protocol mewn lle a dylai bod pob defnyddiwr wedi derbyn hyfforddiant rheolaeth ansawdd fewnol.
Sicrwydd Ansawdd Allanol
Dyma pan mae samplau gyda gwerthoedd anhysbys yn cael eu hanfon yn rheolaidd (yn fisol, bob 2 fis neu 3 mis), wedi’u profi gan y defnyddiwr a chaiff y canlyniadau eu dychwelyd i’r darparwr allanol. Caiff cywirdeb y canlyniadau eu gwirio ac os oes diffygion sylweddol yn y canlyniadau, cysylltir â’r defnyddiwr/safle.
Gall tîm POCT y Labordy naill ai drefnu cynllun lleol neu argymell Cynlluniau Asesu Ansawdd Allanol achrededig, priodol.
- 1Y Sefydliad Cenedlaethol dros Ragoriaeth mewn Iechyd a Gofal (2020) Managing blood glucose in adults with type 2 diabetes. Chapter 4 NICE Pathways. Llundain: Y Sefydliad Cenedlaethol dros Ragoriaeth mewn Iechyd a Gofal Argymhellir monitro glwcos yn rheolaidd dan yr amgylchiadau canlynol (NICE 2020)